Java.com.mk

Објектно оријентирани концепти во Јава - Трет дел

Overload-увани методи (overloaded)

Понекогаш е згодно да имаме две различни верзии од истата метода. На пример, кога ја модифициравме методата „skiniJabolko“ во клата „Jabolknica“ за да прима параметар кој ќе специфицира колку јаболка да бидат скинати ја изгубивме поволноста на методата да со самиот повик на „skiniJabolko()“ едно јаболко да биде скинато. Јава всушност ти дозволува да креираш две методи во иста класа со исто име, но истите за да може Јава да ги разликува мора да примаат различен број и тип на параметри кои и се праќаат на методата. Методите кои се декларирани со повеќе од една верзија (како во примерот) се нарекуваат overload-увани методи.

Еве како би декларирале две верзии на методата „skiniJabolko“:

public boolean skiniJabolko(){
    if (vkupnoJabolka == 0) return false;
    vkupnoJabolka = vkupnoJabolka - 1;
    return true;
}

public boolean skiniJabolko(int brojNaJabolka){
    if (brojNaJabolka < 0) return false;
    if (brojNaJabolka > vkupnoJabolka) return false;
    vkupnoJabolka = vkupnoJabolka - brojNaJabolka;
    return true;
}

Ај да ти заштедам на куцање во иднина и да ти напоменам дека методата „skiniJabolko()“ всушност е само специјален случај на методата „skiniJabolko(int brojNaJabolka)“ така да повикот до „skiniJabolko()“ е ист како и повикот „skiniJabolko(1)“, поради тоа блокот на методата „skiniJabolko()“ можеш слободно да го смениш во:

public boolean skiniJabolko(){
    return skiniJabolko(1);
}

public boolean skiniJabolko(int brojNaJabolka){
    if (brojNaJabolka < 0) return false;
    if (brojNaJabolka > vkupnoJabolka) return false;
    vkupnoJabolka = vkupnoJabolka - brojNaJabolka;
    return true;
}

Во случајов не само што заштеди 2 линии на код туку сега кога и да имаш потреба да ја менуваш логиката на берење на јаболка ќе треба да направиш промени само во една метода, не во двете претходни.

Исто така и конструкторите може да бидат overload-увани на истот начин. Ако ти недостасува креирањето на дрво со „visina“ нула, тогаш декларирач уште еден конструктор кој нема да прима параметри:

private int visina;

public Drvo(){
    this(0);
}

public Drvo(int visina){
    if (visina < 0) this.visina = 0;
    else this.visina = visina;
}

Приметуваш дека пак си заштедивме некоја линија код исто како и кај методите. Разлика е што во овој случај другиот контруктор го повикавме со „this(0)“ што всушност е исто, но сепак овде сакаме да пристапиме до конструкторот на објектот.

страна број: 1 2 3 4 5

<< претходна страна :

: следна страна >>

напишал: Анонимус (08.01.2008 15:42:37)

А што се деструктори? Каде да прочитам за нив? Ми бара учителката у школо...

напишал: slavejovanovski (11.01.2008 09:31:26)

Официјално не постојат деструктори во Java. Тоа може да звучи чудно доколку доаѓате од C/C++ светот, но во Java виртуелната машина се грижи за контрола на меморијата.

Не постои нешто како на пример:

public void ~className();

Но, Java (C# .NET) има друг вид на метод кои навидум наликува на деструктор. Овој метод во Java е:

protected void finalize();

и е член на базичната Object класа.

Овој метод се повикува од страна на виртуелната машина во моментот кога Garbage Collector-от ја зема назад меморијата зафатена од некој објект. Најчесто овој метод се користи за да се затворат конекции до датабази, датотеки и слично.

Се надевам дека ова ќе е доволно за твојата учителка. :)

напишал: MZ (24.02.2008 19:20:55)

Мислам дека за искусните програмери се подразбира, но во случајов се работи за почетник, па да помогнам и јас малце и да напоменам дека споменатиот метод треба да се override-ува во нашата класа, пример:

protected void finalize()
{
myConnection.Close();
super.finalize();
}

напишал: Анонимус (06.04.2008 20:04:19)

Не го бива. Да беше добро немаше на конекциите да додаваат close() метод. Можеби идејата на јава е да не се грижат програмерите за меморијата, но до сега не направиле толку добра виртуелна машина. Затоа најбезбеден начин е да си направиш свој close() метод и да си го повикуваш секој пат кога кје престанеш да го користиш објектот.

напишал: igor (09.04.2008 04:06:44)

Како бре не го бива?

Хм, не сум сигурен ни дали те сваќам, какви конекции? Кон база на податоци? За што станува збор?

Или идејата ти е конекцијата сама да си се „откачи“, односно затвори откако ќе престанеш да ја користиш?