Java.com.mk

Исказ „for“

прегледано:

154842

вкупно гласови:

средна оценка:

5.0

коментари:

оценуваат само членови

испрати до пријател

испечати

Исказот „for“ овозможува компактен начин за да итерираш низ повеќе вредности. Програмерите најчесто го ословуваат како „for циклус“ поради тоа што целовремено, се дур не се исполни зададениот услов, се извршува блокот на исказот.

Генерална форма на „for“ исказот е:

    for {inicijalizacija; terminiranje; inkrement) {
        // iskazite ovde
    }

Кога се користи оваа форма на исказот мора да се запамети дека:

„inicijalizacija“ е местото каде што се иницијализира циклусот, се извршува само еднаш кога започнува циклусот
Кога изразот „terminiranje“ ќе биде евалуиран и ќе се добие неточен резултат (false) циклусот се терминира и се напушта блокот на „for“ исказот
изразот „inkrement“ се извршува пред секоја нова итерација. Тој одлично одговара за изрази за инкрементирање или декрементирање на вредности.

Следниов пример „ForDemo“ ја користи генералната форма на исказот „for“ за да ги испечати броевите од 1 до 10 на стандарден излез.

class ForDemo {
    public static void main(String[] args){
        for(int i=1; i<11; i++){
            System.out.println("broj: " + i);
        }
    }
}

Односно излезот е:

broj: 1
broj: 2
broj: 3
broj: 4
broj: 5
broj: 6
broj: 7
broj: 8
broj: 9
broj: 10

Дали примети како беше декларарана променлива во изразот за иницијализација. „Полето на дејство“ на променливата се простира од нејзината декларација па до крајот на блокот на исказот „for“, тоа дава можност истата да се користи во изразот за терминација и инкреминирање. Доколку променливата која го контролира „for“ исказот не е потребна надвор од циклусот тогаш најдобро е истата да се декларира во изразот за иницијализација на „for“ исказот.
Најчесто имиња (на променливите) како „i“, „j“, „k“ се користат за контрола на циклусот „for“. Нивната декларација во делот за иницијализација го ограничува нивниот „животен век“ и ја смалува можноста за грешки.

Сите три искази во „for“ исказот се опциони, имено, доколку сакаме неограничен циклус едноставно можеме да напишеме:

    for ( ; ; ) {    // beskonecen ciklus
        // tvojot kod ovde
    }

Исказот „for“ исто така има и друга форма дизајнирана за да може да се итерира низ колекции (Collection) и низи (array). Оваа форма често се именува како „напреден for циклус“, и помага при креирање на покомпактни циклуси и го прави кодот почитлив. Колку за пример:

class NapredenForDemo {
    public static void main(String[] args){
        int[] broevi = {1,2,3,4,5,6,7,8,9,10};
        for (int broj : broevi) {
            System.out.println("Broj: " + broj);
        }
    }
}

Излезот од програмот би бил:

Broj: 1
Broj: 2
Broj: 3
Broj: 4
Broj: 5
Broj: 6
Broj: 7
Broj: 8
Broj: 9
Broj: 10

Препорачано е да се користи оваа форма, наместо генералната форма, секаде каде што е можно.